कल्याण कृषी उत्पन्न बाजार समितीवर महायुतीची एकहाती सत्ता.

 

15 जागांवर महायुती विजयी

2 महाविकास आघाडी 

1 अपक्ष

कल्याण प्रतिनिधी:नारायण सुरोशी 

 कल्याण कृषी उत्पन्न बाजार समितीच्या सार्वत्रिक निवडणुकीत महायुतीचा झेंडा फडकला आहे. एकूण 18 जागांपैकी 15 जागा महायुतीच्या पारड्यात पडल्या असून, 2 जागांवर महाविकास आघाडी, तर एक जागा अपक्ष उमेदवाराला मिळाली आहे. यामुळे कल्याण कृषी उत्पन्न बाजार समितीवर मतदारांनी महायुतीला एकहाती सत्ता देऊन आपला विश्वास दाखवला आहे.

  कल्याण कृषी उत्पन्न बाजार समितीच्या सार्वत्रिक निवडणुकीचा निकाल रविवारी रात्री उशिरा जाहीर झाला. निवडणुकीत पार पडलेल्या मतदान प्रक्रियेला मतदारांनी भरभरून प्रतिसाद दिला. रविवारी सकाळी सात वाजता मतदानासाठी मोठी गर्दी केली होती. तर सायंकाळी पाच वाजेपर्यंत मतदानाचा उत्स्फूर्त प्रतिसाद दिसून आला. 

    एकूण मतदानाच्या 90.37% मतदानाची नोंद करण्यात आली. कल्याण कृषी उत्पन्न बाजार समितीत 2358 मतदारांपैकी 2131 मतदारांनी मतदान केले, असे सांगण्यात आले. कल्याण कृषी उत्पन्न बाजार समितीच्या 18 जागांसाठी एकूण 17 जागांसाठी हे मतदान झाले असून एक उमेदवार बिनविरोध निवडून आला.कल्याण कृषी उत्पन्न बाजार समितीतून 155 उमेदवारांनी उमेदवारी अर्ज दाखल केला होता.त्यापैकी 15 अर्ज बाद असून प्रत्यक्षात निवडणुकीच्या रिंगणात 51 उमेदवारांनी आपले नशीब अजमावले होते. 

विजयी उमेदवार

या निवडणुकीत विजयी उमेदवार रवींद्र घोडविंदे,कपिल थले,भरत गोंदले,योगेश धुमाल,अरुण पाटील,जालिंदर पाटील,मनोहर पाटील, विद्या पाटील, शारदा पाटील, वसंत लोणी,रवींद्र आव्हाड,नरेश सुरोशी,रवींद्र भोइर,किशोर वाडेकर, विजय सुरोशी,काशिनाथ नरवडे,आणि गिरीश पाटील हे उमेदवार प्रत्यक्षात निवडणूक लढवून जिंकले असून हा मालवतोलाई गटातील शंकर आव्हाड हे बिनविरोध निवडून आले असल्याची माहिती निवडणूक निर्णय अधिकारी विशाल जाधवर यांनी दिली.